ما قدرت ما عبِّر و إحكي، بَسْ عَ طريقتي
رفيقتي يلي متل إختي عم تسافر وتهاجِر بَس قَبل ما تروح بَدِّي قول كتير حَكي..

رفيق ما يحْكُم عليك، يتفهَّم مشاعرَك، يسامح ويَعْرِف مين إِنْتَ، يَعْرِف شو باك ويحس مِن دون ما تحْكِي. صادق، بريء، حلو، وعميق.

تعلَّمت منَّا كون أنا. تعلَّمت منَّا كون أنا بكل شي فيي. سلبياتي إيجابيَّاتي…تعلمت إشتغل عَ حَالي دايما  كرمال كون إنْسانة منيحة و صادقة لو شو ما كلَّف الأَمر.
تعلَّمت منَّا قدِّر كِلْ شي وشوف بعين ما بتقشَع إلاَّ النِّعَم.
….
مش صُدْفِة، أبداً مش صُدْفة.
أَنا بَعرِف إِنُّو لله تدخَّل وحطَّا بدَربي كرمال يذَكِّرْني ، إنُّو هوِّي دايْمَن عم يشْتِغل بحَياتي.
شو حلو. عنجَد شو حلو إنُّو يكون الكَبَر من جوا..إي  من جوَا، بالقَلِب من جوَا..

أنَا كبرت وقت تعرَّفِت علَيْكي.
لأَنْ كان بَدِّي إِكْبَر بِ قَلْبِي منْ جُوَا.

بَدِّي إكْبَر بِقَلْبي من جُوَا

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.