كتبت الإعلامية منال أبو حيدر

نرجسية الشعب اللبناني أجمع عاطيتنا القناعة انّو نحنا أرض القداسة، إنّو لبنان ما بينترك هيك، إنّو جايي الخلاص، إنّو نحنا ما بيصير فينا متل العراق وسوريا وافغانستان ، نحنا ارض الحضارة، نحنا منصدّر أدمغة للعالم، نحنا شعب ذكي عندو أفضل موارد بشرية، نحنا الفينيقية، نحنا عنّا جبل وبحر ، بتكون عم تتزلّج بفاريا بعد بنصف ساعة بتكون عم تسبح… نحنا ونحنا ونحنا… يا شعب لبنان العظيم! وعوا من الصدمة… مبلا نحنا متروكين، مبلا ما حدا فرقانة معو شو مصيرنا، ماكسيموم صاروا عم ينشهروا الbloggers بشدّ تعاطف العالم، بشحادة أدوية وحليب وحفاضات! هيدا مستوى المعيشة صار عنّا! نقل صورة لبنان إنّو بلد منكوب، بلد محروق، منهان، مذلول! شوفوا الدول يلّي حولنا اذا ارتاحوا من تداعيات الانقلاب… أصلاً ما في دول إلها مصلحة تطلّع فينا! تصبحون على وطن!
قلبي موجوع… صباح اليأس 💔

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.