أحبّائي المغتربين،

كتير فرحانة برجوعكم عالبلد، لطالما اتمنّيت شوف الكلّ بلبنان وترجع اللّمة الحلوة يلّي بغيابكم انحرمنا منها… الرجاء تفهّم يلّي رح قوله وأخذه بعين الاعتبار…

أوّلاً: البلد مش سوبر رخيص، العملة سوبر انهارت يعني يلّي رخيص الكن مع الشوية دولارات يلّي حاملينها، سوبر غالي على الشعب يلّي عايش هون.

تانياً: فيكُن تضهروا مطرح ما بدكُن وتصرفوا مصاري بالآخر هيدا الشي رح يفيد المؤسسات يلّي صار الها فترة عم تعاني بسبب الكوفيد وبسبب إنهيار القدرة الشرائية عند المواطنين، بس يا ريت تخففوا stories وتصوروا فواتيركم يلّي بالملايين، يعني افرحوا وانبسطوا بلا ما تفشخوا على ناس برّاداتها فاضية.

تالتاً: لمّا بتدفع فواتير قيمتها كبيرة، أكرِم مين خدمك من عمّال نظافة، ل waiters, ل valet, ل hostess, ل bartender كلُّن معاشاتُن بالأرض وبيتّكلوا عال tips مش تسترخص فيه الtips وتحاسبوا عل ١٥٠٠ ليرة .

رابعاً: توجّه على رعيتك واختبر فرح العطاء .

وشكرًا ♥️

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.