اليوم 8 ايّار عيد ميلاد ختيار عنّايا! صديق و رفيق و بَي و خَي كتار… مار شربل متل ما قَلَب مقاييس الطب و غير مفاهيم كتيرة و لأنّو منطق السما غير عن افكار الأرض مار شربل بعيدو بدل ما يتلقّى عيديّة هوّي اللي بيوزّع هدايا عجايب و نِعَم!
بعيدك يا قدّيس اللي من عنّا كتار مِنّا عندن استحقاقات يمكن امتحانات يمكن مقابلات شغل يمكن مواعيد عند اطبّاء يمكن عمليّات يمكن سفر…اذا بدنا نعدّ ما منخلص…كل هالناس يا شربل طمعانين بشفاعتك و صلاتك عا نيّتهن و كلّن اكيدين انّك سامعن و شايفن و حاسس فيهن وين ما كانو!
منطلب منّك اليوم و كل يوم يا شربل تبارك بيوتنا و عيالنا، و تنقل صلوات قلوبنا ليسوع… ينعاد عليك يللي استحقّيت لقب طبيب السما… انشالله عيدك بيزهّر نِعَم عالأرض!

المصدر  : منقولة

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.