ولا مرّة كنا نفكر إنّو رح يجي يوم و نصير عايشين على هامش الحياة و إنّو كل الأمنيات و الأحلام صاروا مش أكتر من فكرة و بس…
ولا مرّة زعلنا على بكرا قبل ما يوصل…
ولا مرّة قبلنا إنو الدمعة تسبق بسمتنا…
ولا مرّة حتى نحنا و واقفين ضعنا…
ولا مرّة خلّينا الحزن يكبر بقلبنا…
ولا مرّة نمنا و ما حلمنا…
ولا مرّة تمنينا لو منرجع لماضينا…
ولا مرّة خفنا من أقرب الناس إلنا…
ولا مرّة بكينا من وجع روحنا…
لأنّو ولا مرّة تخايلنا إنو رح يجي يوم و نصير مجردين من كل شي…حتى مشاعرنا تجمددت و صار البكرا خوف و الملقى خطر و الحب بالقلب و الحنية نظرة عين و اللهفة نبرة صوت مجروح من الشوق و مخنوق من النطرة…
و كل مرّة بتخذلنا الدّني… ما في غير الإيمان بالله بيقوينا… و الصلاة بتفتح بواب السما…

فكرة و بس
باتريسيا

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.