Beirut Tribune

Main Menu

  • الرئيسية
  • محلية
  • دولية
  • مال واقتصاد
  • امن وقضاء
  • تربية وثقافة
  • رياضة
  • صحة وتغذية
  • متفرقات
  • مقالات
  • فنون
  • مبادرات

logo

Beirut Tribune

  • الرئيسية
  • محلية
  • دولية
  • مال واقتصاد
  • امن وقضاء
  • تربية وثقافة
  • رياضة
  • صحة وتغذية
  • متفرقات
  • مقالات
  • فنون
  • مبادرات
  • برّاك مستذكرا تفجير مقرّ مشاة البحرية الأميركية: على لبنان أن يحلّ انقساماته ويستعيد سيادته

  • وفد أميركي رفيع المستوى في بيروت قريبًا.. وخطة لعزل “الحزب” ماليا وسياسيا

  • عون يحسمها: الانتخابات في موعدها بمشاركة المنتشرين

  • بايراقداريان تجول في منشأة المسبح الأولمبي في ضبيّه: رسالة أمل للشباب بأن لبنان سيعود

  • الثنائي الشيعي: لا تفاوض جديد بعد سقوط المبادرة اللبنانية

مقالات
Home›مقالات›يا بيّاع التين خبّرني هالقد تيناتك بيخوفوا – نقلا عن النشرة الدولية

يا بيّاع التين خبّرني هالقد تيناتك بيخوفوا – نقلا عن النشرة الدولية

By Beirut tribune
9 August، 2021
623
0
Share:

النشرة الدولية –

الثأئر – الخوري كامل يوسف كامل”

يا بيّاع التين خبّرني هالقد تيناتك بيخوفوا؟! شو قولك هنّي سبب مشاكلنا؟! يعني تيناتك وصّلونا ع جهنّم؟! وقطعوا المازوت والبنزين والكهربا والدوا؟!!… ونزعوا الضمير وهريوا الاخلاق ونشّفوا المحبة من عروق الوطن؟!!

خبّرني شو سر قوتك ومحبتك؟ رغم كل الاصوات اللي حواليك كنت هادي وعم تضبضب التينات وكأنن جواهر مرصعة بالالماس، ورغم كل الاصوات النشاذ اللي فيها أطنان من الكراهية بسمتك كانت أقوى ..

هالقد بيعزّوا عليك هالتينات؟! ما بدّك ينتزعوا ويروح عليك الموسم ويضيع تعب السنة؟ ما بدّك ترجع عالبيت من دون غلّة؟ بهاللحظة بشو كنت عم تفكّر؟ أكيد بولادك ما هيك؟ الاولاد بيكسروا الضهر كرمال هيك مرّقت الظرف الصعب بهالبسمة وانتصرت!!!

بتعرف يا ريتك يا بيّاع التين كنت محلّ هالمسؤولين، عالقليلة كنّا نمنا مرتاحين ومش خايفين من البكرا ولا من اللي بعدو.. لأنو اللي بيعرف يكون أمين عالتينات بيقدر يكون أمين عالوطن!!!

خلّيني إحلم إنو إنت الحاكم! ليش لأ؟! ما كل شي وصلنالوا متل الحلم!! بعتقد بعهدك ما بيوصل التضخم لحدود ال ٤٠٠ بالمية لانّك بتعرف قيمة القرش وقديش صعبة ع ربّ العيلة يرجع عالبيت من دون المونة!!

بعهدك ما بيموت شبّ متل فراس المصري ابن ال ٢٤ سنة ع محطة البنزين لإنو ما عبّا أكتر من المسموح بوقت الشحّ والتقنين..

بتعرف حلو نحلم شو رح نخسر! هيك هيك الحالة صعبة وعم نعيش الانهيار بكل أنواعوا والاصعب إنو السبب لا حرب ولا كارثة طبيعية ولا وباء ولا عدوان خارجي، إنما حكومتنا وحكّامنا وأزلامن وصّلونا لهون..حتّى الحرب الأهلية وملايين اللاجئين والعدوان الإسرائيلي وكل الاغتيالات ما قدروا يخرّبوا البلد متل حكّامنا!!

يا زلمي ما خلّوا أزمة بالعالم تسبقنا، يعني بتقول أزمة اليونان ب ٢٠٠٨؟ وينك وين؟! بتقول أزمة الأرجنتين ب ٢٠٠١؟ عن جد وينك وين؟! أو أزمة التشيلي سنة ١٩٢٦ أو الازمة العالمية وانهيار البورصة سنة ١٩٢٩؟

لو كنت إنت المسؤول وهالقد حريص عالوطن متل حرصك ع هالتينات ما كان صار إنفجار المرفأ ولا راح أكتر من ٢٠٠ شهيد و٧٠٠٠ جريح وتهجير ٣٠٠ ألف لبناني من بيوتن وخسارة أكتر من ١٥ مليار دولار عالقليلة بالعاصمة بيروت…

إذا إنت من التين عامل مصلحة شريفة ونضيفة يعني بعهدك ما رح يكون أكتر من نص الشعب بلا شغل وتحت خط الفقر والحد الادنى للأجور ٣٥ دولار وإنو طاولة أغلبية الناس فضيت من اللحمة والسمك والدجاج… حتى قائد الجيش خبّرنا إنو العسكر بلا أكل!!! ويمكن اضطرت القيادة تعمل رحلات جوية بالهليكوبتر مقابل ١٥٠ دولار لتستمر بخدمة الوطن ويضل في شرف وتضحية ووفاء…

يا عم ما تقول عم إمزح وحياتك عم بحكي جدّ.. شو رأيك إنو اللبناني لمن يرجع من الغربة صار يعبّي الشنطة بندول وإسبرين وبخاخات الربو ودوا الضغط والسكري والسرطان وحليب الاطفال؟!! وكلّن فوق بيقولوا ما خصنا!! وكل مسؤول بيقول مش أنا؟!! بس إنت وقفت بقلب العاصفة بكل هدوء وروية وحكمة ومحبة وعرفت تخلّص حالك والتينات من المشكل!! معقول ما تلاقى حدا متلك؟!!! معقول كلّ اللي فوق مخصصين بمخططات “بونزي” و”مكيافيلي” وبارعين بكل أشكال الاحتيال النقدي والمالي والطائفي والمذهبي ولا واحد منّن تخصص متلك بمدرسة الشرف وحافظ عالبلد بكل حكمة وقوة وحب… متل ما حافظت إنت عالتينات؟!!

بيّاع التين ما ببيع الوطن!!!

بكل محبة وإحترام وتقدير لبسمتك الحلوة..

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.

Tagsازمةتشكيللبنان
Previous Article

لعبة الرسائل النارية تحط شكاوى في مجلس ...

Next Article

نَصر إلهي على خِرقَة قِماش – ...

0
Shares
  • 0
  • +
  • 0
  • 0
  • 0
  • 0

Related articles More from author

  • اخبار محلية

    الشيخ علي الخطيب: لبنان محاصر ومعاقب

    21 July، 2021
    By Beirut tribune
  • اخبار عربية ودولية

    نتنياهو: نفذنا ضربة افتتاحية ناجحة ضد إيران

    13 June، 2025
    By Beirut tribune
  • اخبار عربية ودولية

    لا رد خليجي على الأجوبة اللبنانية في المدى المنظور

    5 February، 2022
    By Beirut tribune
  • تربية وثقافة

    الحلبي يعلن وقف العمل بقرارات حسم الرواتب المتخذة سابقا

    19 September، 2023
    By Beirut tribune
  • اخبار محلية

    سكاف من عين التينة: حسم موضوع الإستحقاق الرئاسي سيبدأ بعد عطلة الأعياد

    23 December، 2023
    By Beirut tribune
  • اخبار محلية

    استنفار لبناني رسمي يلاقي البيان السعودي- الفرنسي

    6 December، 2021
    By Beirut tribune
  • Recent

  • Popular

  • برّاك مستذكرا تفجير مقرّ مشاة البحرية الأميركية: على لبنان أن يحلّ انقساماته ويستعيد سيادته

    By Beirut tribune
    23 October، 2025
  • وفد أميركي رفيع المستوى في بيروت قريبًا.. وخطة لعزل “الحزب” ماليا وسياسيا

    By Beirut tribune
    23 October، 2025
  • عون يحسمها: الانتخابات في موعدها بمشاركة المنتشرين

    By Beirut tribune
    23 October، 2025
  • برّاك مستذكرا تفجير مقرّ مشاة البحرية الأميركية: على لبنان أن يحلّ انقساماته ويستعيد سيادته

    By Beirut tribune
    23 October، 2025
  • الودائع تنكمش.. والقروض تتراجع.. والأسباب معروفة

    By Beirut tribune
    15 September، 2020
  • تعميم لمصرف لبنان حول التسهيلات للمصارف والمؤسسات المالية

    By Beirut tribune
    15 September، 2020

Find us on Facebook

اتصل بنا

موقع إعلامي موضوعي مستقل

العنوان : المنصورية – المتن – لبنان
رقم الهاتف: 0096181471372
[email protected]

جميع الحقوق محفوظة 2020-2021