ابني كامل معلم لشو ولادكن يتعلمو ما ابني ابنكم …
ابني كامل زعيم ابن زعيم ابنك هالمعتر لازم يستاهل رضاه ….
ابني كامل قلبو كبير واذا ابنك خدمو بتفاني يمكن يكون من المحظيين ويحطو من ضمن مرافقينو …
ابني كامل محب وما رح يخليكن تجوعو حتى لوكان بسويسرا مابيقبل الا ما توصلكن كراتين الحمص والفول ع قلب البيت ..لا والله ما بيرضى تجوعوا بدكن تنعلفوا منيح جايي الانتخابات ….
ابني كامل كتير مشغول مع انو شركاتو برا عاملتلو وجعة راس بتعرفو البزنيس بهالايام وتحدياتو بس قلبو معكن ….
ابني كامل عندو اكتر من جنسية وببلاد العالم كلها بيتمنو عليه بس هو معلق بهالارض وبهالناس لان اكتر من هيك غنم ما رح يلاقي لو برم السند والهند …
انت ابنك مصدق حالو وعم يطلع ع المنابر ايه سكتوا قبل ما يسمع ابني كامل صوتو ويزعل بتصير العواقب وخيمة وانا ببطل فيي اتدخل …
ابنك عم يسترجي يطلق مواقف ومجمع حدو كم ولد لا يكون مفكر حالو قائد ما تخلي ينسى حالو ابن مين كل عمرنا منسكتك بعضمة ….
وهلق انت وفالل اتذكر اديش نحنا رحومين معكم ويلي بيشلح جلدو بيبرد …
ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.
