![](https://beiruttribune.com/wp-content/uploads/2020/12/cynthia-660x400.jpg)
سينتيا أبي خليل – مديرة التمريض في المستشفى اللبناني الجعيتاوي
لكل يللي الليلة بالشغل والساعة ١٢ رح يكونو بين الموجوعين.
لكل يللي رح يستقبلو اول نهار من ٢٠٢١ بكرا بالشغل.
لكل لي اجا او ضل اكتر من ١٢ ساعة لما ناشدنا لما يترك نقص او ضغط ع الزملاء بظل الضغط الحالي علي الاسّرة.
لكل لي شتغل فوق طاقتو هالكم يوم ومسح دموعو تحت ال mask مية مرة. لكل جهودكن الجبارة السنة.
لكل لحظات الخوف ونطرة ال pcr. لكل لي مرضو هني وعم يعملو واجبن.
لكل لحظة استسلام وراها قدرة على الصمود. لكل الصعوبات لي قطعنا فيين سوا.
لليلة ٤ اب و الاكتر من ٢٠٠ ممرض على الارض. للملمة جروحنا والردم واعادة الاعمار. لتنقيلكن اقسام و طوعيتكن. لكل بسماتكن الغالية.
لكل انجاز خلصتو في مريض وكل صعوبة صقلتكن. لكل مرة عملتو اكتر بكتير من واجبكن وعطيتو من قلب قلبكن. لكل الابطال وثروة هالمستشفى. تحية احترام ومحبة قد ما الكن اكتر. اذا قدرنا نصمد هالسنة لانو انت ومراضانا كل السبب والدافع لما نستسلم. انشالله السنة الجاية احسن. بس بكل الظروف ع العهد والوعد رح نضل وبكل قوتنا.
شكر لكل مسؤول قسم تحدى اصعب ظروف ليكفي يقدم احسن عناية للمرضى ويرضيكن. من فريق ادارة التمريض شكر الكن واحد واحد وكل تمنياتنا بالصحة وبقائكن معنا.
ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.