اليوم عملت نص فحوصات الدم بمستشفى لأنو ما عندا المستلزمات للكل، والنص الثاني بمختبر خاص. وفي كم فحص مش موجود بالتنين. شفت ناس، شباب وكبار بالعمر، فلو من دون ما يعملو فحصهم لأنن على الضمان او ال assurance. شفت ناس، كتار، عم يترجو المستشفيات والمختبرات يعملولهم الفحوصات المطلوبة ولو على حسابهم الخاص، بس الجواب كان انو مش متوفرة، وكل فحص عم يخلص عم ببلش معو العد العكسي لاغلاق المختبر. اصلا، مستشفيات كثيرة سكرت مختبراتها وما عم تستقبل حدا. وعلى فكرة، مزبوط ما بقى في ابر كزاز وأنجأ بنج بعدو عم يتلاقى. يعني من الآخر… صار ممنوع علينا كمان نعمل فحص دم… بس دولتنا الكريمة بتعملنا فحص بالوطنية اذا حكينا، ثرنا، رفضنا، اشتكينا او كتبنا بوست. صار ممنوع علينا البنج بغرف العمليات والطوارئ، بس دولتنا العلية عم تغرز بكل وريد مخدر يومي وسموم مختلفة تتخلينا مبنجين، مطووشين،مهدودين. صار ممنوع علينا الدوا، بس دولتنا الحنونة عم تحقنا مورفين الاجتماعات الحكومية المكوكية وتعطينا عالبيعة لقاح و٤٠٠ دولار كاش. صار ممنوع علينا كيس دم وقت الحاجة، بس دولتنا منتشية بدراكولاتها. صار ممنوع علينا الاوكسيجين، وبيطلع هونيك مسؤول بيسألك.. ليش ساكت مش عم تحكي؟

ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي  او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.