فوتوني عل المخفر ايدي ورا ضهري مكلبشينا
قبالي ورا الطاولة عل الكرسي قاعد سيدنا
قلي شو تهمتك يا ابني خلصنا وفيدنا
قلتلو ما بعرف وحياتك يا سيدنا
جيت لطلع سجل عدلي كلبشوني ولعندك جينا
فز متل الغضنفر
وبعيونو فيي فنجر
وقلي
بلا فلسفة ولاك
انت مجرم وحركاتك فاهمينا
حطو برا وبس تطلع نشرتو يا شرطي حكينا
وبعد ساعتين طلعت النشرة
من بعد ما ضهري انكسر من النطرة
شافها سيدنا وبانت بعيونو الكشرة
مش عامل شي قلتلي يا حارق روما وأثينا..؟!
أنا يا سيدنا؟!..
بحياتي مش طالع بطيارة ولا مبحر بسفينة
شقفة مواطن وحياتك بالتعتير ربينا
قلي متعدي عأملاك عامة
ضحكت وقلتلو بس انا من العامة
كبرت وما معي حق مرقد عنزة
اعتبرني يا سيدنا عنزة
وعملت مرقد مع عيلتي يأوينا
قلي متل العنزة رح تدفع غرامة
غرامة حتروح لجيب شي زعيم
عبالو يشتي بروما ويصيف بأثينا
ان المعلومات و الاراء و الافكار الواردة في هذا المقال تخص كاتبها وحده و تعبر عن وجهة نظره الخاصة دون غيره؛ ولا تعكس، باي شكل من الاشكال، موقف او توجهات او راي او وجهة نظر ناشر هذا الموقع او ادارة تحريره.
ان هذا الموقع و ادارة تحريره غير مسؤوليين عن الاخبار و المعلومات المنشورة عليه، و المنسوبة الى مصادرها بدقة من مواقع اخبارية او وكالات انباء.
